Տեղի ունեցաւ Գերմանիոյ Հայոց Թեմի 2022 թ․ հերթական

Թեմական-Պատգամաւորական Ժողովը

Diözesan-Delegierten-Versammlung 2022

29 եւ 30 Հոկտեմբեր 2022 շաբաթավերջին, Առաջնորդարանի յարկին ներքոյ ի Քէօլն, տեղի ունեցաւ Գերմանիոյ Հայոց Թեմական-Պատգամաւորական հերթական Ժողովը` նախագահութեամբ Գերմանիոյ Հայոց թեմի Առաջնորդ Գերշ. Տ. Սերովբէ Եպս․ Իսախանեանի եւ ատենապետութեամբ Տոքթ. Խաչիկ Կազէրի: Ժողովին ներկայ էին Թեմի հովանիի ներքոյ գործող 16 համայնքներու շուրջ 30 աշխարհական պատգամաւորներ, ինչպէս նաեւ Թեմին մէջ պաշտօնավարող 6 եկեղեցականներ:

Ժողովը բացուեցաւ Առաջնորդ Սերովբէ Սրբազան Հօր կողմէ արտասանուած Տէրունական աղօթքով եւ հոգեւոր կարճ խորհրդածութեամբ, որմէ ետք Առաջնորդ Սրբազանը աղօթեց նաեւ Թեմական Խորհուրդի ի Տէր ննջած երկար տարիներու անդամ եւ վերջին ատենապետուհի տիկին Սօսի Շայէր-Ալթըպարմաքեանի հոգւոյն խաղաղութեան համար։

Երկօրեայ նիստերու ընթացքին Թեմական-Պատգամաւորական Ժողովը քննարկեց Թեմը եւ իր հովանիի ներքոյ գործող համայնքները յուզող այլազան օրակարգային հարցեր, մանրամասն ներկայացուեցաւ Առաջնորդարանի նիւթական հաշուետուութիւնը, տրուեցան նաեւ անհրաժեշտ լուսաբանութիւններ: Համայնքներու վարչութեանց ատենապետները եւ ընտրեալ պատգամաւորները առիթ եւ ժամանակ ունեցան խօսելու իրենց համայնքներու գործունէութեան, ունեցած դժուարութիւններու եւ մտահոգութիւններու մասին: Քննարկուեցան գերմանահայ ժողովուրդի հոգեւոր խնամատարութեան, երիտասարդական աշխատանքներու եւ երեխաներու հայեցի եւ քրիստոնէական դաստիարակութեան առնչուած հարցեր։ Երկօրեայ նիստերու օրակարգը կը ներառնէր նաեւ կարեւոր այլ հարցեր եւս, ի մասնաւորի՝ Թեմական-Պատգամաւորական-Ժողովի արդիւնաւէտւութիւնը բարձրացնելուն միտուած քննարկումներ, Գերմանիոյ Հայոց Թեմին եւ գերմանահայ կազմակերպութիւններու եւ Գերմանիոյ մէջ Հայաստանի Հանրապետութեան դեսպանութեան միջեւ փոխհամագործակցութիւն եւ այլն։

Կիրակի, 30 Հոկտեմբեր 2022-ի առաւօտեան, հոգեւոր դասը, պատգամաւորական ժողովի մասնակիցները մէկտեղուեցան Քէօլնի «Սբ․ Սահակ-Սբ․ Մեսրոպ» առաջնորդանիստ եկեղեցի, ուր Սերովբէ սրբազանին հանդիսապետութեամբ տեղի ունեցաւ «Արեւագալ»ի ժամերգութիւն, որուն աւարտին նաեւ հոգեհանգստեան աղօթք վերառաքուեցաւ առ Աստուած Արցախեան գոյամարտի բոլոր նահատակ զինուորներու եւ խաղաղ զոհերու համար։ Արարողութեանց աւարտին Թեմիս հոգեւորականներէն Տ․ Հրաչ Քհնյ․ Պիլիճեան ներկայացուց կարճ հոգեւոր խորհրդածութիւն ըստ օրուան աւետարանական ընթերցման։

Այնուհետեւ Սրբազան Հօր բացման աղօթքով շարունակուեցաւ Թեմական-Պատգամաւորական Ժողովը։ ԹՊԺ-ի արդիւնաւէտւութեան բարձրացման առնչութեամբ քննարկումներու որպէս արդիւնք կազմուեցաւ աշխատանքային խումբ մը, որ մինչեւ գալ տարուան փետրուարի վերջը առաջարկութիւններու փաթեթ մը պէտք է ներկայացնէ առաջնորդ Սրբազան Հօր։

Թեմական Խորհուրդի անդամի մէկ թափուր տեղի համալրման համար տեղի ունեցաւ փակ-գաղտնի քուէարկութիւն, եւ պարոն Նորայր Պօյաճեան ընտրուեցաւ ԹԽ-ի անդամ։

Օրակարգի վերջին երկու նիւթերը նուիրուած էին Թեմիս եւ գերմանահայ կազմակերպութիւններու եւ Գերմանիոյ մէջ Հայաստանի Հանրապետութեան դեսպանութեան միջեւ փոխհամագործակցութեան։ Քննարկումներու առաջին բաժնին իր մասնակցութիւնը բերաւ նաեւ Գերմանահայոց Կեդրոնական Խորհուրդի ատենապետ պարոն Յովնաթան Շբանէնպէրկ։ Երկուստէք նշուեցաւ Գերմանահայ երկու կարեւոր հաստատութիւններու փոխհամագործակցութեան կարեւորութիւնն ու օգտակարութիւնը։

Այնուհետեւ ԹՊԺ-ի վերջին նիստին առաջնորդ Սրբազան Հօր հրաւէրով մասնակցեցաւ Գերմանիոյ մէջ Հայաստանի Հանրապետութեան դեսպան պարոն Վիկտոր Ենգիբարեան։ Սերովբէ սրբազան բարի գալուստ մաղթելով մեծայարգ դեսպանին իր ուրախութիւնն արտայայտեց, որ ինչպէս անցեալին այսօր ալ ջերմ եւ սիրալիր յարաբերութիւններ են հաստատուած Առաջնորդարանի եւ Դեսպանութեան միջեւ։ Բարի գալստեան խօսքի աւարտին առաջնորդ սրբազանը դեսպանին ներկայացուց թեմական եւ համայնքային կառոյցն ու մարմիններու կազմութեան եւ ընտրութեան կերպերը։ Դեսպան Ենգիբարեան ողջունելով բոլորին՝ շնորհակալութիւն յայտնեց հրաւէրի համար եւ իր ուրախութիւնն արտայայտեց ԹՊԺ-ին ներկայ ըլլալու հնարաւորութեան համար եւ ընդգծեց Դեսպանութեան պատրաստակամութիւնը համագործակցելու Առաջնորդարանի եւ գերմանահայ միւս կառոյցներու հետ եւ կարեւորեց այդ կառոյցներու հզօրացումն ու փոխադարձ համագործակցութիւնը։ Այնուհետեւ ան պատասխանեց ներկաներու հարցումներուն։

Երկօրեայ ժողովը փակուեցաւ ԹՊԺ-ի ատենապետ տոքթ․ Խաչիկ Կազէրի փակման եւ Առաջնորդ Սրբազան Հօր օրհնութեան խօսքով, որուն յաջորդեց «Պահպանիչ» աղօթքը եւ միասնական արտասանուած Տէրունական Աղօթքը:

Դիւան Առաջնորդարանի

31 Հոկտեմբեր 2022

Am Wochenende 29./30. Oktober 2022 fand in den Räumlichkeiten der Diözese in Köln die ordentliche Diözesan-Delegierten-Versammlung (DDV), unter dem Ehrenvorsitz des Primas und der Leitung von Prof. Dr. Hacik Gazer statt. An der DDV nahmen rund 30 Delegierte der 16 Diözesangemeinden sowie die 6 Geistliche der Diözese teil.

Die Versammlung wurde durch den Bischof mit einem Gebet und einem geistlichen Impuls eröffnet. Anschließend beteten die Teilnehmer für den Seelenfrieden der kürzlich im Herrn entschlafenen Vorsitzenden des Diözesanbeirates, Frau Sossy Scheier-Altibarmakian.

Bei der zweitägigen Versammlung wurde die Jahresbilanz der Diözese 2021 vorgelegt und die Delegierten haben ausführlich über verschiedene Belange und Anliegen der Diözese und Gemeinden beraten. Die Gemeindevorsitzenden und Delegierte hatten Gelegenheit, die Tätigkeiten ihrer Gemeinden vorzustellen und ihre Probleme und Sorgen anzusprechen. Besondere Schwerpunkte der Versammlung waren die seelsorgerische Tätigkeit, die Jugendarbeit der Diözese und die armenisch-christliche Erziehung der Kinder. Weitere wichtige Themen waren Steigerung der Effizienz der DDV sowie die Beziehungen und Zusammenarbeit mit anderen armenischen Organisationen und der Botschaft von Armenien in Deutschland.

Der zweite Tag der DDV, Sonntag, begann mit einer Morgenandacht „Arewagal“ in der Diözesankirche. Im Anschluss daran wurde eine Seelenmesse für die gefallen Soldaten und zivilen Opfer des Verteidigungskrieges von Arzach abgehalten. Pfarrer Hratsch Biliciyan ging abschließend mit einem geistlichen Wort auf das Tagesevangelium ein.

Auch die zweite Sitzung wurde mit einem Gebet des Primas eröffnet. Das erste Thema war die Steigerung der Effizienz der DDV. Nach Beratungen wurde hierfür ein Ausschuss gebildet, der bis Februar 2023 dem Primas diesbezügliche Vorschläge unterbreiten soll.

Auf dem nächsten Tagesordnungspunkt stand die Wahl eines neuen Mitgliedes in den Diözesanbeirat, um die aufgrund des Ablebens von Frau Scheier vakant gebliebene Stelle zu besetzen. Durch eine geheime Wahl wurde Herr Norayr Boyacian in den Diözesanbeirat gewählt.

Die letzten Beiden Tagesordnungspunkte der DDV waren den Beziehungen der Diözese zu weiteren armenischen Organisationen in Deutschland sowie zur Armenischen Botschaft gewidmet. Beim ersten Teil dieses TOP nahm der Vorsitzende des Zentralrates der Armenier, Jonathan Spangenberg, an der Versammlung teil. Ausdrücklich wurde die Wichtigkeit und Notwendigkeit der Zusammenarbeit beider Institutionen betont.

Zum abschließenden Tagesordnungspunkt nahm, auf Einladung des Primas, der Botschafter der Republik Armenien, S.E. Viktor Yengibaryan, teil. Bischof Serovpé hieß den Botschafter Willkommen und sprach seine Freude über die bisherige und aktuelle gute Zusammenarbeit zwischen der Diözese und Botschaft aus. Er stellte dem Botschafter die Diözesan- und Gemeindestrukturen sowie die Wahlverfahren vor. Botschafter Yengibaryan begrüßte seinerseits die Delegiertenversammlung und bedankte sich für die Einladung. Er unterstrich die Bereitschaft der Botschaft auf weitere gute Zusammenarbeit mit der Diözese und anderen armenischen Organisationen. Abschließend beantwortete er die Fragen der DDV-Teilnehmer.

Die DDV endete mit der Abschlussrede des Präsidiumsvorsitzenden Prof. Dr. Gazer und dem Segenswort und Gebet des Primas sowie dem gemeinsam gesprochenen Herrengebet.